娘惹嫁到 (已結業)

本來開喺西環嘅娘惹嫁到結業，實在係西柚們嘅損失。大半年後，終於都喺荃灣開返。雖然地點對我地港島人來講比較遠，但距離係無阻我哋對正宗馬來西亞娘惹料理嘅思念。新店比舊時大好多，客人都坐得舒服好多。至愛招牌美食，肉骨茶，牛尾喇沙，同舊時一樣咁好食。尤其牛尾，肥瘦適中。深海魚蛋又係必食啦，唔使多講，好彈牙！咖吔多士，宜家仲有多種口味！以為原本班蘭味已經係最好食，原來新嘅藍花鵝蛋味，將咖吔多士嘅香又提升到另一層次！更香濃！大廚好鍾意創新，特飲又多左幾款，香茅柿子特飲真好味。