影片
更多
2014-08-25
3353 瀏覽
有日同M先生過海行街諗左好耐都唔知夜晚去邊到食好最後決定上openrice random seach甘岩第一個出黎就系之前想黎食既華星七點幾，行到去門口見到有一行人企系到以為要排隊點知原來嗰幾個系路過等人，所以唔使排隊就入左去啦~~~唔好以為冰室夜晚會好少入食真系唔講得笑架，入到去都full左70%結果我地兩條友就坐左系對住門口嗰張枱初時見到佢個牌以為除左早餐常餐營養餐之外就冇咩麫食可以散叫點知就俾我發現到有個「重口味一丁」...睇完一輪終於落左單，雖然見到啲人盛讚奶油豬、校長多士、炒蛋...etc但我地通通都冇叫，因為我地覺得唔系人話乜好食就要叫如果嗰樣野自已跟本興趣不大既話您食完會話佢擺鬼唔值晒氣不過個人好鐘意佢掛嗰啲舊時唱片封面，90後表示—覺得新鮮奶醬多：($9)個人十分鐘意食奶醬多，除左厚多士之外簡直非它不食但系就覺得如果再焊多少少就更熱氣更好食喇豬排包($20)：M先生同小女子一樣冇肉不歡，所以佢叫左個飽肚啲豬排包個豬扒新鮮炸好夾落個包到，塊包就吸收晒啲精華小女子食左一啖，塊豬扒都幾脆，而且兩塊包暖暖地咬落好鬆軟不過就略嫌油分過多，一路食一路漏油重口味一丁($36)：醫神都
諗左好耐都唔知夜晚去邊到食好
最後決定上openrice random seach
甘岩第一個出黎就系之前想黎食既華星
七點幾，行到去門口見到有一行人企系到以為要排隊
點知原來嗰幾個系路過等人，所以唔使排隊就入左去啦~~~
唔好以為冰室夜晚會好少入食
真系唔講得笑架，入到去都full左70%
結果我地兩條友就坐左系對住門口嗰張枱
初時見到佢個牌以為除左早餐常餐營養餐之外就冇咩麫食可以散叫
點知就俾我發現到有個「重口味一丁」...
睇完一輪終於落左單，雖然見到啲人盛讚奶油豬、校長多士、炒蛋...etc但我地通通都冇叫，因為我地覺得唔系人話乜好食就要叫
如果嗰樣野自已跟本興趣不大既話您食完會話佢擺鬼唔值晒氣
不過個人好鐘意佢掛嗰啲舊時唱片封面，90後表示—覺得新鮮
奶醬多：($9)個人十分鐘意食奶醬多，除左厚多士之外簡直非它不食
但系就覺得如果再焊多少少就更熱氣更好食喇
豬排包($20)：M先生同小女子一樣冇肉不歡，所以佢叫左個飽肚啲豬排包
個豬扒新鮮炸好夾落個包到，塊包就吸收晒啲精華
小女子食左一啖，塊豬扒都幾脆，而且兩塊包暖暖地咬落好鬆軟
不過就略嫌油分過多，一路食一路漏油
重口味一丁($36)：醫神都推介既「重口味一丁」，原來系羅宋湯底~~~
之後仲可以簡兩個餸，小女子就簡左牛肉同蛋
湯底有啲濃同鹹，不過都尚可接受既
面質煮到岩岩好，唔太冧亦唔太硬，太冧再吸埋啲湯就分分鐘唔使食x_x
蛋，是為半生熟蛋，非小女子口味，下場於M先生肚子裡
牛肉，標示為清真牛肉，小女子才疏學淺唔知咩系清真牛肉，食落只覺唔肥冇渣，幾滑幾嫩
番到屋企谷歌一下，原來系指「口味偏重咸鮮，汁濃味厚，肥而不膩，嫩而不羶，適合回民群眾制作菜式」
一理通馬國明，怪唔之得牛肉啲份量唔系得好多，大約七、八舊到啦，原來系來頭不少！
系有叫野飲既情況之下，兩個人都食到頗飽，所以最後都系決定唔叫野飲，行去銅記散步就算嚕~~~
張貼
