影片
更多
2017-11-25
192 瀏覽
呢個月已經去過Mad for Garlic兩次，一次同屋企人普通食飯，另一次farewell個同事。今次無book位就咁walk in就無卡位坐了，但卡位真係幾有情調同幾啱幾個朋友食野吹水的。如果有四個人，訂位會坐得舒服少少！上次係夜晚黎食，點過pasta同risotto，今次lunch hour食，叫左上次無點既pizza同steak。呢度既lunch有set供應，包飲品同餐湯，相對上比夜晚抵呢！ Garlic Snowing Pizza 8' (Lunch Set $128) 蒜片pizza，本身以為會好單調好奇怪，點知都幾有驚喜！店員上碟時，會新鮮刨啲芝士碎係pizza面，畫面有如其名: snowing pizza!!! 本身以為黃色個啲係溶左既芝士，點知原來係帶有果香既甜奶油醬，配上脆薄濃味的蒜片同蝦仁，諗唔到味道發揮同配合得唔錯！加上餅底係薄身，食完都唔會有飽飽濟濟既感覺。Set包餐湯或沙律，我揀左薯仔蒜香湯，因為無見過有其他餐廳有呢個湯！薯仔打得幼滑又不失口感，湯亦帶淡淡的蒜香味，只略嫌唔夠咸。$128有埋茶或咖啡，都算唔話得啦～ Garlic Steak ($268) 如
上次係夜晚黎食，點過pasta同risotto，今次lunch hour食，叫左上次無點既pizza同steak。呢度既lunch有set供應，包飲品同餐湯，相對上比夜晚抵呢！
Garlic Snowing Pizza 8' (Lunch Set $128)
蒜片pizza，本身以為會好單調好奇怪，點知都幾有驚喜！店員上碟時，會新鮮刨啲芝士碎係pizza面，畫面有如其名: snowing pizza!!! 本身以為黃色個啲係溶左既芝士，點知原來係帶有果香既甜奶油醬，配上脆薄濃味的蒜片同蝦仁，諗唔到味道發揮同配合得唔錯！加上餅底係薄身，食完都唔會有飽飽濟濟既感覺。
Set包餐湯或沙律，我揀左薯仔蒜香湯，因為無見過有其他餐廳有呢個湯！薯仔打得幼滑又不失口感，湯亦帶淡淡的蒜香味，只略嫌唔夠咸。
$128有埋茶或咖啡，都算唔話得啦～
Garlic Steak ($268)
如果見到啲拉麵店有生蒜、又或者見到啲粉麵鋪有炸蒜的話，我通常都會加一大羹蒜落碗麵到。對於一個咩都會加蒜頭食既人，呢個蒜頭山牛扒絕對係為我而設的。個蒜頭山除左有佢地既招牌炸蒜片，仲有調左味既熟蒜。配料有洋蔥同蘑菇片。牛扒叫左美國牛，三成熟，有少少可惜係牛扒唔太濃牛味，肉質唔算太淋，可能要叫價錢貴少少的牛種吧。不過大量既蒜蓉配牛扒真係非常香口！
總結黎講，Mad for Garlic糅合左韓式常用的蒜頭同意大利的菜式，食物味道特別香濃同可口。
張貼
