十二味麻辣小當家 (已結業)

依家野真係朋友唔帶我黎都唔會知道，因為佢喺奧海城嘅出邊，行行吓商場都唔會行出去。去到發現間野細到不堪，我記得好似六七張枱都俾多佢。order 要用 QR code，老人家點會識。。。酸菜魚我哋嗌咗完全唔辣，因為老人家喺度唔想佢哋咁重口味，啲魚肉有少量魚骨，酸菜好耐冇食過真係好惹味，份量都幾足，當然唔可以同深圳嗰啲餐廳比，個啲係啲魚肉食極都食唔完，但香港呢個價錢算係ok了。呢碟回鍋肉係令到我有啲失望，因為佢好辣，但唔緊要如果你整得好好食好惹味嘅話，就算辣我都會食到唔停口。可惜嘅係佢啲蔥定係青椒都太老，有啲係趙唔開架，有渣。回鍋肉當然就係好多肥肉啦，我係預咗，但係佢又炒到乾得滯，好硬咁。呢個蔥油拌麵真係好食又好抵！香口又有咬口，不錯。平凡如此一碟炒菜都不錯，有鑊氣，小小太鹹但係可以接受。我哋仲要嗌左個暗然銷魂炒飯，不過唔記得咗影相，個炒飯好有鑊氣，好多午餐肉，又不貴，好食。總括嚟講，小小重口味，唔係成日食都唔錯。