摩豆 (已結業)

羅宋湯係豬先生最鍾意飲嘅湯 得知有一間鋪頭係旺角主打賣唔同創新口味嘅雞蛋仔 竟然有羅宋湯味道 咁就緊係去試一試啦Modos位置係旺角東站附近 都算就腳望一望餐牌 主要分左雞蛋仔 雪糕同埋飲品系列 另外見到有塊介紹四種口味雞蛋仔嘅餐牌 今次目標好明確 就係試羅宋湯味雞蛋仔啦比完錢等左五分鐘左右就有得食啦 急不及待try try尼個即叫即整嘅佢 熱呼呼深啡色嘅佢 一底好完整無散修修而且每一粒雞蛋仔都漲卜卜架 真係做到內脆外軟嘅效果味道咸咸地 羅宋湯味唔算濃 但竟然仲有蛋香 雖然羅宋湯味唔算突出 但食倒有啲雞蛋仔入面會有餡 有薯仔 洋蔥 牛肉等等 如果餡料再平均啲 粒粒都有就好啦 不過最嘅係雞蛋仔粒與粒之間嘅邊邊位 好脆口每粒雞蛋仔連埋邊位食好yummy 不過天氣凍嘅關係 雞蛋仔都凍得好快 所以建議趁熱食 享受佢最熱辣辣嘅滋味雖然價錢偏貴 但有創意要加分呢 下次想試下Modos招牌嘅班蘭味同積及橙味