美珍香

營業中

休息中

之前舅仔醒咗個奇華出品嘅「珠姐XO醬金華火腿月」，估唔到有個朋友又醒咗另一款重口味嘅月餅俾小弟，就喺美珍香嘅「肉乾月餅」 ，肉乾月餅？印象中應該第一次試喇。講起美珍香依個牌品，去過新加坡嘅人，都知道佢喺當地出名賣肉乾嘅專賣店，產品有肉乾、肉鬆、臘腸、魷魚絲……等等，逾70多年歷史嘅美珍香，慢慢不斷向海外市場發展，現在，亞洲各地都已經有佢足跡。不過，今次唔喺試佢啲肉乾，而喺月餅，我都真喺唔知原來佢哋都有出月餅，果真一到中秋，各大商號都各出奇謀，務求多賺一筆。而美珍香嘅中秋產品有：蓮蓉金豬、肉乾月餅、雙黃白蓮蓉及棋子月餅共4款。美珍香做嘅肉乾一向都頗有水準，採用天然調味料，無添加防腐劑 ，無味精，無人工色素，家傳秘方製作，以色、香、味見稱 ，唔知月餅又如何？因為朋友只送我一個，而月餅獨立包裝，但包裝袋無列明成份等資料，只喺一切開，見到類似五仁月一類鹹月餅款式，外皮稍稍厚一啲，內裡有好多瓜子仁、杏仁、欖仁……等等，而最重要確實食到唔少牛肉乾，一粒粒分佈月餅之內，口感幾得意，哋就算喺不俗，不過，始終喺五仁月一類，唔喺小弟杯茶 。