享廚館

營業中

休息中

本身食外賣，快快手手一餐，都冇諗住寫食評，冇影太多相，但食完都忍唔住要分享下。首先外賣黎到杯奶茶已經水浸咁浸滿奶茶，留意個蓋係乾淨，冇漏，拎起個杯又滴緊出黎。打去問餐廳，佢地反而話因為放左好耐冇人拎，唔係佢地問題。咁其實又點解好地地放耐左會漏呢？係"食在元朗" fb group 都不時有人讚大份抵食，見openrice comment 都唔差，就試試。$65 墨西哥式雞肉芝士軟烤餅配飲品睇價錢都冇諗住咁大份，入面肉唔少，仲有4塊。但顏色同平時openrice 見到既好唔同，食落呢個好油，加上咸到食唔到，兩個人各食左一塊，就已經再冇食。餅本身滿油，再多油到反光。另一個餐係羊肉烤串卷配薯條$118 餐廳好好一早已切半分好，味道都係偏咸，餡料比較鬆散，最好食係薯條。總括而言，食物係熱辣辣大份。味道過咸偏油。價錢可接受，但係明明外賣平台優惠下，竟然都遇到呢間餐廳係要俾連費，仲要$11。都唔會有下次。