7-Eleven Daily Cafe

營業中

休息中

人生不易，百物騰貴，好似我呢種小人物，餐飲、餐食、餐餐清，大部分嘅錢都去咗去屋租and交通費嗰度，有時講衰啲果句，真係好話唔使捱白麵包已經好開心。從來係沒乜機會可以食到大餐，要食大餐就要等人請，就係咁簡單，好開心今日我就有雞髀食，雖然係7仔雞髀但我已經心滿意足。呢一個係花雕雞髀，單係睇呢個雞髀嘅包裝，其實都已經覺得好似好高級咁樣，真係就咁睇包裝，都會會心微笑。花雕雞髀叮熱之後，打開個包裝，呢隻雞髀白白滑滑，味道香噴噴咬落去皮滑肉嫩又唔黐牙重酒味又夠鹹，我就最鍾意食呢種重口味嘅食物。我嗰代嘅人有邊個唔鍾意食雞髀呀！？