大食代 (奧海城二期)

營業中

休息中

我同朋友叫左一個上海粗炒配上海炸排骨（包前菜），仲有酸菜魚套餐（包白飯、例湯、前菜），另再加個涼菜為青瓜木耳。兩個餐都可加配飲品，我地就分別叫左凍利賓納同凍奶茶。（飲品最後其實都係統一去反飲品部個個櫃檯換領）前菜係泡菜味嘅芽菜，凍凍地辣辣地，無咩太大感想。而上海粗炒，第一感覺就係覺得非常熱辣辣，係新鮮再炒過尼而唔係就甘叮熱比反你或者擺定係保溫箱再比你。味道唔錯但不過就有點多油。而配上嘅上海炸排骨有美極嘅味道，又幾好食！完全提升肉質嘅味道。至于酸菜魚，唔會太辣亦唔會太酸，有好重嘅胡椒味道所以都幾惹味。魚肉肉質好滑，湯内仲有大量薯粉，包你一定飽！不過，整個湯感覺到係比較味精嘅味道，而非真正用魚同配料熬嘅湯底。同樣地，附送嘅中湯亦係重味精嘅感覺，唔計健康問題嘅話都幾好飲嘅。最後青瓜木耳，有d蒜味甘正正常常啦。總結，係幾重味精味嘅一餐。撇除健康問題嘅話，都幾好食！加上價錢便宜，都幾抵食！