温野菜 (太古城中心)

營業中

休息中

今日同老婆都放假所以我哋都去咗太古城shopping，行到咁上下大家都肚餓嘅時候就見到溫野菜呢一個招牌，記得我第一次食溫野菜火鍋係喺日本旅行嘅時候，當時覺得佢嘅湯底有好多選擇，亦都有一個非常特別嘅菜式，呢一個就係雜炊，所以今次決定入去回想返日本嘅味道。今次我哋點左一個番茄湯底同昆布湯底，番茄湯底雖然味道比日本淡，但味道都好足，另外我都大力推薦大家試一試昆布湯底，我同我老婆都好鍾意呢一個湯底，食落好有味道，甜甜地幾開胃。今次叫咗豬牛雞各兩份，另外叫咗大概8份配菜，加一杯啤酒，份量啱啱好。溫野菜有兩款醬油比客人，一款係用嚟點肉類，另一款係點配菜，但我覺得湯底夠濃唔用醬油都可以。最後我哋上埋個雜炊，食完就走人，總括來講雖然冇日本咁好食，但都已經唔錯，起碼已經感受到當時身在日本的味道。