星林居雲南米線餐廳 (已結業)

兩年前喺尖沙咀返過工，間唔中都會嚟樂道呢度搵野食，呢度成條街都係餐廳，普遍都係做遊客嘅生意，所以定價都會比較高，所以我偏好嚟星林居食飯。呢度揀餸好似食車仔麵咁畫點心紙，亦都可以好似食拉麵咁剔辣道同酸道，我好鐘意食呢度啲酸辣所以叫左個腩肉生菜酸辣米線。仲剔埋多莞茜添，雖然普遍啲人都唔鐘意食呢啲，但我覺得食米線最緊要加多啲莞茜先夠香。但唔知點解生菜會分開上架呢，我又將啲生菜放落湯浸下先有味，如果佢放埋落碗米線度就好喇。