影片
更多
2019-03-10
729 瀏覽
報讀了工聯會主辦的中醫推拿興趣班，逢星期六早上9時半在西灣河工聯會中心上課，今天是第一堂上課，下課時已是十一點了。記得附近有間超級無敵車仔麵，以前是經常來光顧的，後來搬了家，我就少來了。今天路過便去重嚐舊味。境況依然，價格只是微調了少許，仍是街坊親民價。$28就有兩餸麵，就算是4餸麵，亦只是$41。呢度有60多種配料、10款粉麵、8種汁料可以任配，如果未來過的，應該會哇一聲! 俾佢嚇親。我話晒都係過去式的常客，揀配料當然易如反掌，揀咗豆腐、豬皮、冬菇和菜餃，食米線，加腩汁。到手後，捧去窗邊立食。嗯! 是熟識的味道。豬皮爽腍，豆腐入味，冬菇肉厚味濃，菜餃香，米線滑。臨走時，俾是頭見到我，同佢寒喧了幾句，仲被問點解咁來唔來幫襯。放心啦，打後兩個半月的星期六，都會來附近上課，實有機會再來。
境況依然，價格只是微調了少許，仍是街坊親民價。$28就有兩餸麵，就算是4餸麵，亦只是$41。
呢度有60多種配料、10款粉麵、8種汁料可以任配，如果未來過的，應該會哇一聲! 俾佢嚇親。
我話晒都係過去式的常客，揀配料當然易如反掌，揀咗豆腐、豬皮、冬菇和菜餃，食米線，加腩汁。
到手後，捧去窗邊立食。嗯! 是熟識的味道。豬皮爽腍，豆腐入味，冬菇肉厚味濃，菜餃香，米線滑。臨走時，俾是頭見到我，同佢寒喧了幾句，仲被問點解咁來唔來幫襯。放心啦，打後兩個半月的星期六，都會來附近上課，實有機會再來。
張貼
