影片
更多
2010-09-28
24 瀏覽
不經不覺師傅都懶左一個星期了, 係時候做番d野喇! 話說早一陣子大隻佬相約師傅飯局, 當然同枱點少得未來大隻嫂呢, 大隻佬話三個人不如去重慶森林食咖哩, 師傅當然欣然答應啦, 皆因有得食仲要係咖哩添, 開正師傅個胃口; 不過師傅就唔知重慶森林有邊間好介紹, 最後大隻佬就揀左呢間食店, 話呢度食評唔錯!去到重慶森林, 真係九曲十三彎, 可幸能夠響朵, 皆因一響朵即刻有專人帶領去到指定專(車立), 唔使亂咁中! 上到食店大隻佬同未來大隻嫂已經到左, 師傅遲到皆因天雨影響, 真係萬二分抱歉! 師傅坐底後, 大家齊齊商量食咩好, 對師傅而言甚麼都可以, 最緊要夠辣; 最後一敢決定柯打左咖喱羊肉角, 一份咖哩羊要大辣, 一份咖哩雞要中辣, 磨菠菜芝士, 再加兩份烤餅!落完單再啤一啤, 吹吹水, 不經不覺就有得食; 而第一道登場的正是咖喱羊肉角, 咖喱角師傅真係食唔少, 但已羊肉做餡料, 印象中還是第一次, 入口發覺咖喱羊肉角炸得好脆, 入口卜卜聲, 仲唔油添, 而咖哩亦夠香, 不過就唔算辣, 加上師傅就食唔出羊肉嘅酥香, 唔講係羊都冇人知! 食晒份咖哩羊肉角後就等左好耐都未有得食, 大隻佬亦前
去到重慶森林, 真係九曲十三彎, 可幸能夠響朵, 皆因一響朵即刻有專人帶領去到指定專(車立), 唔使亂咁中! 上到食店大隻佬同未來大隻嫂已經到左, 師傅遲到皆因天雨影響, 真係萬二分抱歉! 師傅坐底後, 大家齊齊商量食咩好, 對師傅而言甚麼都可以, 最緊要夠辣; 最後一敢決定柯打左咖喱羊肉角, 一份咖哩羊要大辣, 一份咖哩雞要中辣, 磨菠菜芝士, 再加兩份烤餅!
落完單再啤一啤, 吹吹水, 不經不覺就有得食; 而第一道登場的正是咖喱羊肉角, 咖喱角師傅真係食唔少, 但已羊肉做餡料, 印象中還是第一次, 入口發覺咖喱羊肉角炸得好脆, 入口卜卜聲, 仲唔油添, 而咖哩亦夠香, 不過就唔算辣, 加上師傅就食唔出羊肉嘅酥香, 唔講係羊都冇人知! 食晒份咖哩羊肉角後就等左好耐都未有得食, 大隻佬亦前後催左兩次先至有第二道菜登場; 而第二道菜係大辣嘅咖哩羊, 大辣咖哩羊個咖哩汁算得上非常香辣, 味道相當惹味, 師傅有種欲罷不能嘅感覺, 呢個咖哩汁真係一絕, 至於呢份羊肉就幾酥香, 可惜肉身略乾同鞋, 呢個位扣少少分!
當食緊咖哩羊時, 其他菜式亦唔需要再等, 陸續登場! 於是師傅再試個中辣咖哩雞, ;中辣咖哩汁對師傅黎講係一d都唔辣, 其實等同冇辣味, 就連一向唔受得辣嘅未來大隻嫂亦話冇料到; 不過雞肉亦算滑身鬆軟, 對於唔食辣嘅人, 中辣真係可以一試, 因為辣都唔辣下! 至於磨菠菜芝士師傅真係唔識點形容, 除左好味之外, 就係好好味, 菠菜同芝士磨到蓉蓉爛爛, 成pat野放入口絕對冇一種唔舒服嘅感覺, 菠菜唔苦而芝士唔會過濃, 洽到好處, 總言之師傅覺得好好味! 仲有兩份烤餅, 一份係厚一份係薄, 兩份都烤得好香, 而且唔油身, 將咖哩汁同烤飯放埋一齊, 就好似大隻佬同未來大隻嫂喺埋一齊咁, 簡直係絕配, 冇得頂呀!
總括黎講咖哩水準真的不俗, 環境都舒服乾淨, 服務態度亦算殷勤, 價錢一般啦, 如果師傅冇記錯, 每人應該係九十蚊, 除左份量細少少之外. 都算得上抵食! 當食完咖哩離開間餐廳後, 師傅已經隱隱約約聞到由身上滲發出黎嘅咖哩味, 幸好師傅生得比較白淨, 如果唔係就好容易比人當作同鄉; 笑臉值得一比, 如果想食正宗印度咖喱又唔介意黎重慶森林, 呢一間都會係唔錯嘅選擇, 有機會一定會再黎!
張貼
