渝味曉宇重慶老火鍋 (太子集團中心) (已結業)

由8月起至到10月底，渝味曉宇做緊午市火鍋免鍋底，人頭可以慳番$38。咁就可以叫多兩罐可樂或者一籃菜啦。太子集團中心喺isquare隔離，19/F嘅渝味窗口位置都享有海景。入座坐底後店員會先奉上茶同據稱可以護住個胃嘅紅棗雪耳糖水。調味個人覺得唔係好需要，因為材料新鮮加上湯底味濃，挾起即食相信係最好味。點菜可以揀選全份或半份，人少唔想同一樣餸食太多而又想食多幾款，建議全部都揀選半份，價錢都近貼全份除二。其實好想叫佢個九宮格麻辣大紅鍋，影相打卡呃like贏晒。不過為咗腸胃著想，保險啲叫咗鴛鴦鍋：大骨滋補鍋拼普通辣湯。(哩度一係就有3隻辣椒嘅重慶辣湯，弱啲就係兩隻辣椒嘅普通辣湯)湯底雖然免費但都好足料，上火鍋配料速度亦快。半份半份咁叫都擺滿咗張枱。而半份嘅份量對得起價錢，配料全部都好新鮮。牛肉、毛肚、苕粉、豆皮、血旺同冰豆腐都係必點，配辣湯食超好味，變孖潤腸都抵。普通辣湯食落其實都幾解，冰底可樂絕對係救火必備。