津津-好金の味 (已搬遷) 新店位置

呢間係夫妻檔嘅小店子。男人應該係香港人，娶了重慶老婆再來開小店。野食暫得三款：涼麵、紅油抄手同重慶雲吞。雖然野食款式少，但都有不少人幫襯。我地見有人買，於是又買黎試試。先後試了紅油抄手同重慶雲吞，兩款都係賣$12。即叫即包即煮。只見一盤餡料，所以無論你叫邊款，個餡都係一樣。用很薄很滑的雲吞皮包住少許餡料。餡料有豬肉、冬菇同木耳。只需快煮一分鐘就熟了！紅油抄手同重慶雲吞在於有湯定無湯。麻辣味任君選揀。調出來的味道就像酸辣粉的一樣。我覺得雲吞好食d，可能因為有湯浸著。紅油抄手跟上海那些完全不同，這些抄手都係細細粒，皮多餡很少。我呢d鍾意食皮多過食餡嘅人就會覺得好好味。老闆服務態度很好，很有禮貌。