影片
更多
2020-06-28
51 瀏覽
天氣雖然熱，但有時打邊爐癮起，都阻擋唔到😂聽朋友講依間麻辣火鍋好正宗，所以搵埋朋友一齊黎食。一坐底，店員就俾左碗冰糖雪耳糖水我地，唔講仲以為佢俾錯我地，原來係食辣野前用黎打底，唔會咁傷胃，好貼心！我同朋友都唔係食得好辣，所以叫左小麻小辣，而另一邊就叫左大骨滋補鍋。麻辣鍋好香，雖然成鍋都好多辣椒同紅卜卜咁，但無想像中咁辣，岩岩好。大骨湯底都好濃郁，粟米同蘿蔔煲到好甜。配料可以叫半份，岩晒人少少但又想試多啲唔同既野。而且依度有啲配料都幾特別，好少係其他火鍋店食到。鮮活海蟶 $39季節限定既活海蟶，4-8月先至有，雖然細細隻，但鮮甜肥美！美國安格斯肥牛 $119 /黑豚腩肉$42肥牛油花分佈平均，配埋麻辣湯底好夾，不過牛味唔算好濃。黑豚腩肉切得好薄，食落感覺無咁邪惡，肉質嫩滑。手打蝦滑 $46 /手打三寶丸 $49蝦滑爽口彈牙，三寶丸有蝦丸、牛丸、墨魚丸，大大粒，牛丸食落似酒樓啲山竹牛肉，好味！鮮蝦雲吞 $32餡料豐富，不過不失。重慶秏兒魚$42打邊爐比較少見，魚肉嫩滑，而且好少骨，有驚喜！嫩牛肉 $42真係好嫩滑，而且淥一陣就食得！苕粉 $29同薯粉差唔多，不過粗好多，QQ彈牙，淥極都唔會
聽朋友講依間麻辣火鍋好正宗，所以搵埋朋友一齊黎食。
一坐底，店員就俾左碗冰糖雪耳糖水我地，唔講仲以為佢俾錯我地，原來係食辣野前用黎打底，唔會咁傷胃，好貼心！
我同朋友都唔係食得好辣，所以叫左小麻小辣，而另一邊就叫左大骨滋補鍋。麻辣鍋好香，雖然成鍋都好多辣椒同紅卜卜咁，但無想像中咁辣，岩岩好。大骨湯底都好濃郁，粟米同蘿蔔煲到好甜。
配料可以叫半份，岩晒人少少但又想試多啲唔同既野。而且依度有啲配料都幾特別，好少係其他火鍋店食到。
鮮活海蟶 $39
季節限定既活海蟶，4-8月先至有，雖然細細隻，但鮮甜肥美！
美國安格斯肥牛 $119 /黑豚腩肉$42
肥牛油花分佈平均，配埋麻辣湯底好夾，不過牛味唔算好濃。黑豚腩肉切得好薄，食落感覺無咁邪惡，肉質嫩滑。
手打蝦滑 $46 /手打三寶丸 $49
蝦滑爽口彈牙，三寶丸有蝦丸、牛丸、墨魚丸，大大粒，牛丸食落似酒樓啲山竹牛肉，好味！
鮮蝦雲吞 $32
餡料豐富，不過不失。
重慶秏兒魚$42
打邊爐比較少見，魚肉嫩滑，而且好少骨，有驚喜！
嫩牛肉 $42
真係好嫩滑，而且淥一陣就食得！
苕粉 $29
同薯粉差唔多，不過粗好多，QQ彈牙，淥極都唔會淋。
紅糖糍粑 $36
口感煙煙韌韌，點埋糖漿食係一個好好既甜品。不過要趁熱食，放耐左會有啲硬。
最後每人$380，但食到自己想食既野而且食物質素高，好滿足！
張貼
