Miss Saigon Vietnamese Cuisine (已結業)

以前做上一份工，有時中午都會去食越南粉，突然好掛住呢種味道，所以中午就去咗西環揾食~店內的設計亦好有特色，喜歡接觸陽光的可以坐近窗半開放式的位置，或者可以坐响入一點的位置享受涼意~看看餐牌，選擇可真不少喔~然而因為天氣有點熱，所以今次未有點越南粉，改為點一個撈檬加一杯飲品。等了一會，手撕雞撈檬終於到了。呢碟撈檬真係好大碟，d 粉真係好充足，佔了大半碟，而隔離的手撕雞亦都唔係少，同粉下面的果仁粒粒撈埋一齊，食落係好爽口得來，又食到幼嫩的雞肉味和啖啖脆脆的口感。而飲品方面，就點了一杯熱柚子蜜滋潤一下，而柚子肉都唔少，所以飲落又唔會好淡味架~