神石燒 (八號花園) (已結業)

假日晚上七點幫襯，QR code落單， 300g黑安格斯牛肩胛扒賣哂，唯有選個M7和牛搭豚舌，加多串鰻魚。整體個餐冇驚喜，和牛分左做兩細舊，但味唔多一樣，我覺得似湊合咁，本身冇叫帶子，卻又有兩粒，其他豚舌同鰻魚就都係咁啦。配套唔合格，珍珠飯太濕，湯冇哂又從來冇職員添加，飯素亦如是。雖然佢官方社交平台話通風改善左，即使現場食客得一兩台，四邊擺有風扇都煙霧彌漫，怪不得冇人乜幫襯。區內新達廣場有分店，倒不如摺左呢度啦。