居食屋「和民」 (已結業)

中學果時成日同朋友儲錢去食和民，都算係經典回憶之一。呢日經過太子分店，見都唔算太多人排隊，就去重溫下童年回憶～湯底甜醬油味好香，牛肉份量都幾多，肥瘦均勻，如果分開上就更好，牛肉浸耐左會有少少韌，同埋水都難啲滾。配料有菇有菜有大蔥有豆腐，大蔥吸收哂壽喜燒汁同肉味真心無得輸雖然唔係太厚太大粒，但勝在都新鮮，加埋明太子醬既微鹹同鮮味，更添風味。玉子厚身得黎鬆軟，夠濕潤，但偏淡左少少，可能因為岩岩食完偏濃味既壽喜燒既緣故～溫馨提示：記得要撈勻先食～因為飯本身無味，要靠面頭既滑蛋去調味，所以滑蛋本身都會偏鹹少少。蛋生熟程度恰當，唔會太老，飯濕得黎唔會爛。豬扒份量少左啲，得四舊，但幾厚肉同無筋～ 標榜黎自日本嘅紅番薯，果然係甘甜啲，味道濃厚。炸得外脆內綿密，有啲似上海嘅拔絲，配埋軟滑嘅雪糕食冰火交融、層次豐富。