影片
更多
2023-05-20
6027 瀏覽
一連幾日復活節假期，一家人開開心心去到海洋公園水上樂園遊玩。當然不少得到附近酒店住一晚和食自助餐。相信用呢個價錢食嘅自助餐，估計都應該唔會差。入到去餐廳裏面，感覺非常新淨及舒適，隱約之間有少少南亞嘅風味，不過外在硬件就有，要有埋內涵先至緊要。一般有嘅長腳蟹佢都有，平平無奇，而且論大細同論補充速度都極需要改善。場內並無提供生蠔外，而且比較偏向熟食海鮮，始終生海鮮要好有信心先做到個鮮字，做得唔好見報都有份。基本放題有嘅日式標準配置，師傅睇心情切大細多少，見前頭個靚女就明白晒。不過都係個句，呢款嘢都係試咗就夠啦，無需貪多。至於炸物相對魚生壽司好少少，所以其他人都會攞，不過都係嗰句，補充速度要改善。又係自助餐常見嘅咖喱，不過就無我鍾意嘅印度咖喱。由於熟食較多，我都唔一一影相。而較為好食嘅牛仔骨炒麵，我就唔放上嚟，因為影左幾次都影係得一隻或者係吉盤，無謂啦。至於呢個車仔麵檔，佢啲丸係幾好食，可以生菜加啲丸食多一次都得。值得讚嘅就係佢嘅甜品做得係比較多款式同埋比較出色，由於佢嘅款式都比較多，我就冇放晒上嚟啦。我就覺鍾意放喺玻璃櫃入邊，細細件嗰啲芝士蛋糕。喺成個食自助餐嘅過程裏面，由於人手不足嘅關係
入到去餐廳裏面，感覺非常新淨及舒適，隱約之間有少少南亞嘅風味，不過外在硬件就有，要有埋內涵先至緊要。
一般有嘅長腳蟹佢都有，平平無奇，而且論大細同論補充速度都極需要改善。場內並無提供生蠔外，而且比較偏向熟食海鮮，始終生海鮮要好有信心先做到個鮮字，做得唔好見報都有份。
基本放題有嘅日式標準配置，師傅睇心情切大細多少，見前頭個靚女就明白晒。不過都係個句，呢款嘢都係試咗就夠啦，無需貪多。至於炸物相對魚生壽司好少少，所以其他人都會攞，不過都係嗰句，補充速度要改善。
又係自助餐常見嘅咖喱，不過就無我鍾意嘅印度咖喱。
由於熟食較多，我都唔一一影相。而較為好食嘅牛仔骨炒麵，我就唔放上嚟，因為影左幾次都影係得一隻或者係吉盤，無謂啦。
至於呢個車仔麵檔，佢啲丸係幾好食，可以生菜加啲丸食多一次都得。
值得讚嘅就係佢嘅甜品做得係比較多款式同埋比較出色，由於佢嘅款式都比較多，我就冇放晒上嚟啦。我就覺鍾意放喺玻璃櫃入邊，細細件嗰啲芝士蛋糕。
喺成個食自助餐嘅過程裏面，由於人手不足嘅關係，連收碟都需要自助。
另外我亦都有食佢嘅自助早餐，情況亦都係非常之唔夠人，有時見佢咁辛苦，自己走去吧枱度直接問佢攞杯熱水，原來先知規矩係要同返啲職員講，叫佢哋要同個吧枱講要攞杯熱水。咁為咗你安全起見唔好淥親，周圍搵個侍應嚟幫手都應該嘅，係咪？
張貼
