英皇紅酒扒房 (已結業)

最近食豬手好似變左一種熱朝，朋友同我講英皇紅酒扒房超大隻脆卜卜，佢呢啲想食就食既當然一馬當先走黎食。呢度dinner set種類多，不過我啲肉食獸當然傾向肉系餐牌。是日餐湯有我鐘意既周打蜆湯，海鮮味濃，一入口散發出清爽洋蔥甜味，甘甜既湯伴隨蜆肉既鮮味，大粒飽滿蜆肉將鮮味釋放出湯中。蒜蓉包烘烤過香脆，細嚼蒜香咀裡燙漾，伴隨著不膩既鹹香。最愛食扒既朋友選擇左美國穀飼牛肉眼，有成10oz咁多，相當巨大。肉眼入口絲絲嫩滑，甜美口感，肉香十分誘人。朋友朝思暮想既脆皮德國鹹豬手😍真係朋友所講咁大隻😄豬手外皮真係好酥脆，佢既肉汁多，唔係皮脂既油脂多，所以多食唔會膩。肉裡肉層好軟嫩，冇一絲絲乾巴巴既肉香味撲撲。