串燒陣

營業中

休息中

呢排鍾意咗食串燒，估唔到喺鬧市之中俾我發掘左一間隱世但非常高質嘅串燒店。當日夜晚大概七點到，唔算太多人坐得都舒服。今次決定嚟個重肉串燒，首先一定要介紹個安格斯牛仔骨，真係好味到冇朋友，我第一次食串燒啲肉係唔會好似柴皮咁或者冇乜汁，牛肋肉串、羊架、蒙古牛肉串同埋個一口和牛粒勁多肉汁，唔會俾啲椒鹽粉搶咗佢嘅肉味！麻辣鴨血都唔差同埋有好多舊，啱晒啲唔係太食得辣嘅人，不過唯一麻麻哋就係個鴨舌，烤完之後太細粒，冇乜口感同埋冇乜味，同埋餐廳出嘢食都比較慢，要俾啲耐性。