影片
更多
2013-05-08
464 瀏覽
今次係第2次來, 好期待, 仍然食5:15時段, 第一次食係比lunch平,今次貴了$20.去到未夠鐘, 入去借厠所, 即時好好招呼,叫我地入餐廳厠所. 出到來已經開始排隊, d侍應一d都無話散散慢慢, 大家都企起門口standby. 大約5時10分, 開始帶人一去, 一個侍應帶一柗人客, 非常有禮貌.入到去,雖然未開始食,但已有人開始影相, 我都不弱,跟大隊. 一開始取野食, 好多人排隊取生蠔, 我唔笨, 有第一次經驗,唔駛拿住,因食到尾都有. 取我最鐘意長腳蟹生蠔-有4種, 法國,美國,澳洲同埋另一個忘記咗, 由淡至濃, 始終喜歡較淡兩雒,美國同法國,較鮮味, 食咗兩轉長腳蟹- 每次見到成坐山咁, 真的好吸引, 食咗10幾隻, 又大隻,又多肉, 又新鮮, 今次仲係無咁咸…………yummy yummy冷盤海鮮-青口,螺,蝦, ok 新鮮,食咗兩轉日式魚生- 每次只能要4款, 叫咗帶子,三文魚,蝦同埋尤魚……..今次無海膽,有d失望, 新鮮,但無特別驚喜,只食了一轉拉麵- 有龍蝦, 多款菜, 多款菇,多款丸, 和牛, 我叫咗龍蝦,菜,同埋和牛, 湯底係朱骨牛奶濃湯. D湯奶白色,好好味
去到未夠鐘, 入去借厠所, 即時好好招呼,叫我地入餐廳厠所. 出到來已經開始排隊, d侍應一d都無話散散慢慢, 大家都企起門口standby. 大約5時10分, 開始帶人一去, 一個侍應帶一柗人客, 非常有禮貌.
入到去,雖然未開始食,但已有人開始影相, 我都不弱,跟大隊.
一開始取野食, 好多人排隊取生蠔, 我唔笨, 有第一次經驗,唔駛拿住,因食到尾都有. 取我最鐘意長腳蟹
生蠔-有4種, 法國,美國,澳洲同埋另一個忘記咗, 由淡至濃, 始終喜歡較淡兩雒,美國同法國,較鮮味, 食咗兩轉
長腳蟹- 每次見到成坐山咁, 真的好吸引, 食咗10幾隻, 又大隻,又多肉, 又新鮮, 今次仲係無咁咸…………yummy yummy
冷盤海鮮-青口,螺,蝦, ok 新鮮,食咗兩轉
日式魚生- 每次只能要4款, 叫咗帶子,三文魚,蝦同埋尤魚……..今次無海膽,有d失望, 新鮮,但無特別驚喜,只食了一轉
拉麵- 有龍蝦, 多款菜, 多款菇,多款丸, 和牛, 我叫咗龍蝦,菜,同埋和牛, 湯底係朱骨牛奶濃湯. D湯奶白色,好好味, 加咗d7味粉…..正
鐵板燒-有漢堡口肉, 和牛, 鵝肝,生蠔……全部細細件, 漢堡有d乾, 和牛你叫佢先煎, 5成熟, 入口即溶, 唔係有d自助餐所謂既和牛, 佢係正貨,食咗4件. 仲要有d切正方,有d係切厚片,又各食多2件, 鵝肝我仍為佢係最好食既一間, 外面煎到有d金黃, 而且係鵝,唔係鴨肝代替,厚厚一片, 下面仲要有片細細脆脆多士. 入口咁香鬆脆………….唔知講乜好
燒蝦- 肉唔會乾, 也不錯
巴拿馬火腿- 有哈蜜瓜,係自己取, 唔係一件火腿下,配大件大大既哈蜜瓜, 因好多時想食多幾件, 變咗浪費咗d瓜. 火腿有一點咸香, 偏瘦, 如能肥一d,同乾身一d更正. 成日都唔見d火腿,如來係d侍應,見到只剩大半就拿回去添加.
釀龍蝦-麻麻地, 如果燒更好.釀變咗好多配菜,所以感覺麻麻
有沙律,-無食,因實在太飽. 但見好多款貴價生菜
芝士- 有成5-6款, 用3-4款餅乾配來吃, 對於我呢種唔太好,但係又想試下,就岩我, 每種切少少來試
甜品- 心太軟(今次仲醒,如果要寫字, 直頭好似點歌咁,先寫紙仔比司博. 有北海道奶涷(滑), 楊枝金露(香甜), 焦糖焞蛋(香), 朱古力mouse(濃), 檸檬涷. 4款都好好味, 全部都唔太甜, 尤其檸檬凍,味道好清新
雪糕-有兩種,分別有hyd….同dery….一柸柸,好重手, 唔會死命去北
最後仲要有棉花糖…………提子味,真係唔投降都唔得
完全無食過熱食同生果,實在太太飽
題外話/補充資料：
D侍應招呼真係好好, 個個都好勤力, 一去到見到我地有手袋,又拿個紙箱比我地放野, 又取衣冚蓋住. 見我地拎住幾碟, 又自動幫我地拿回柗. 收碟同加水都快, 個個就算好忙,都會有笑容
(以上食評乃用戶個人意見 , 並不代表OpenRice之觀點。)
張貼
