Café Relay (已結業)

去Relay記得一定要book位去Relay記得一定要book位去Relay記得一定要book位每次經過呢條街都一定想即刻入Relay食個有質素嘅午餐，但偏偏九成時間都滿座，今次早幾日訂定位，終於可以成功食到✌🏻鍾意幫襯小店，有heart有服務有味道，Relay亦都不例外。早一天已將餐單傳給我，用餐當日11am 前揀定餐，到入座時就可以好快有得食。我揀了牛肉漢堡，朋友就揀豬肋骨。入座後大約5分鐘就可以取餐了。每個餐都有一杯蘑菇湯，蘑菇湯又濃又香，一少杯分量恰到好處，開咗胃慢慢品嚐主菜😊牛肉漢堡配上薯條同沙律，牛肉多汁唔乾，仲好厚呢！要用刀叉切開先可以慢慢品嚐。薯條又粗又香口，岩哂我這種鍾意脆口食物既人。唯一不足係牛肉凍得較快，如果上面的芝士可以溶多少少就perfect！朋友的豬肋骨賣相也不錯，一刀切落去就容易骨肉分離，唔使用手茹毛飲血式咁食，可以保持儀態。味道方面，雖然有一部份比較多肥膏，但很入味，肉質亦都好鬆軟。份量就適合輕食人士，因為肋骨本身都唔會太多肉吧。跟餐還可以選擇一系列的花茶或Americano，茶壺好靚好精緻，為這餐畫上完美的句號。