影片
更多
2010-07-29
141 瀏覽
呢餐係月頭吃,不過依家先得閒打返約左friend睇戲,book定buffet 8:30pm 兩位,夾岩時間睇完knight and day,過到黎岩岩好.之前未黎過,今次主要係為海鮮主題而黎.環境以酒店buffet場黎講算係好細.感覺似係一間普通茶記噤大樓底算幾高,色調幾好其實細有細好,感覺寧靜d岩曬兩個人吃飯傾計是日係星期5,全場得大約10幾個人左右出去拿野吃係無排隊呢回事第一round先撈個salad吃..salad bar 既菜睇得出係好新鮮, 配料,醬汁選擇都多,有阿拉斯加野生三文魚,煙燒三文魚/吞拿魚,parma火腿,用黎撈salad一流,亦有一d已整好既是燒牛肉紅菜頭salad,鮮蝦意粉salad,大蝦salad,件件都制作精美,方便懶人,好多人吃buffet都會忽視salad呢part,其實最好吃野前吃返少少,健康又醒胃,黎呢度唔試下d salad既話真係走寶.之後到當然唔少得吃蠔,全場有3款即開生蠔,好似係美國,法國,南非..其實真係唔多記得係邊3款,睇返之前d人既食評都唔同,應該係不時轉款,本身對蠔興趣唔大,只係吃左3隻試下味,3款都好新鮮,味道清甜,帶海水味,之前吃
呢餐係月頭吃,不過依家先得閒打返
約左friend睇戲,book定buffet 8:30pm 兩位,
夾岩時間睇完knight and day,過到黎岩岩好.
之前未黎過,今次主要係為海鮮主題而黎.
環境以酒店buffet場黎講算係好細.
感覺似係一間普通茶記噤大
樓底算幾高,色調幾好
其實細有細好,感覺寧靜d
岩曬兩個人吃飯傾計
是日係星期5,全場得大約10幾個人左右
出去拿野吃係無排隊呢回事
第一round先撈個salad吃..salad bar 既菜睇得出係好新鮮, 配料,醬汁選擇都多,有阿拉斯加野生三文魚,煙燒三文魚/吞拿魚,parma火腿,用黎撈salad一流,亦有一d已整好既是燒牛肉紅菜頭salad,鮮蝦意粉salad,大蝦salad,件件都制作精美,方便懶人,
好多人吃buffet都會忽視salad呢part,其實最好吃野前吃返少少,健康又醒胃,黎呢度唔試下d salad既話真係走寶.
之後到當然唔少得吃蠔,全場有3款即開生蠔,好似係美國,法國,南非..其實真係唔多記得係邊3款,睇返之前d人既食評都唔同,應該係不時轉款,本身對蠔興趣唔大,只係吃左3隻試下味,3款都好新鮮,味道清甜,帶海水味,之前吃過幾間酒店buffet都有即開生蠔,貴過/平過呢度既都有,呢度係我吃過幾間入面最好既,連靚女fd本身都係對蠔興趣唔大既,但都忍唔住要吃多幾隻,如果鐘意吃蠔既話,係呢度一定會吃得心滿意足.
吃完蠔後 ,吃長腳蟹,做得海鮮主大既阿拉斯加長腳蟹,一定唔會令人失望,d蟹腳又長又粗,剪開後一條條粗身既蟹肉,點埋醋食真係一流,係第2度好難吃到噤好吃既蟹腳,見隔離台d人拿完一轉又一轉,就知係幾受歡迎,蟹腳refill都好快,拿極都一大堆,吃到你唔吃
至於送既雪長蟹粉絲煲,其實無乜特別,只係煮過,有d辣味,d汁拿黎點蟹腳吃都唔錯.
拆完蟹腳,跟住到熱食,試左煎羊腿,烤雞,帶子,三文魚球,咖哩,煎鱈魚,xo醬炒蝦.....其實都係D普通野,唔太突出,魚柳,薯角,意粉好似唔錯,但太飽肚,無吃到,因為人少地方細,所以每個熱盤都放兩款熱吃,款式比想像中多,每樣吃少少都夠飽.另外係燒牛肉,佢一直都擺係面包台隔離,又合埋蓋,我都係吃到就飽,行埋去以為係甜品,個侍應先同我講係燒牛肉,噤係唔放過,吃返舊(我拿左後,後面幾個都跟住拿,我唸佢地原本都唔知有燒牛肉吃...), 肉就燒得幾岩火喉,但d配汁就好似差左d,好淡味...
另外都有壽司,刺身提供, 試過3文魚刺身,大大片又肥美,酒店buffet黎講算幾好..
最後到甜品,先試試d芝士,難得有貴價既Raclette 煎刮芝士,當然要試,配餅乾味道香濃,好多人都岩吃,有幾款臭臭地既就未必個個岩la..呢度d麵包布甸幾好味,好香奶味,又夠滑,都吃左兩大碗,不過好似得我有興趣,唔見有其他人吃.仲有係一件件既apple pie,一口一件岩岩好.甜品櫃既木糠布丁幾香甜多奶味,藍莓cheese cake夠濃cheese味,桂花糕就普通野,可惜既係無試到macaron
總括黎講呢餐都吃得幾滿意,沙律,海鮮,熟食,甜品都幾好,服務幾好,特別係甜品櫃果位姐姐仔親切既笑容,同埋整Raclette 芝士既師傅.要彈既就係無Häagen-Dazs/movenpick雪糕吃,得軟雪糕好似唔多夠大體..無任飲,得1杯餐飲,多個自助既coffee,red tea會好D,我知係有得加$任飲,但通常去酒店吃buffet既話,每次都會出去自助bar沖5,6次野飲,每次落order反而好似好麻煩,收貴d,整埋雪糕,野飲呢part我覺得係ok....
吃完之後一定要上40f既空中花園坐下,可以望曬成個維港夜景,景觀一流!
加埋一共$646.8兩位
張貼
