藏戶概念館 (已結業)

又到星期五, 就係要食餐好嘅時候, 同啊妹再次返黎呢間藏戶概念館, 係兆萬棟大廈有好多放題餐廳, 好多人都抵受唔住誘惑, 會揀放題, 但其實呢到有間好用心嘅日本料理餐廳. 二人叫咗個松花堂(藏)套餐: 套餐包括有豆腐沙拉, 刺身三件, 蜆味增湯, 澳和牛厚燒, 什錦天婦羅之前黎過食野, 佢地送咗張優惠卡, 集滿5個印花送燒雞沙律, 今次redeem埋, 再加多碟帆立貝壽司. 燒雞沙律+帆立貝壽司: 雖然燒雞沙律係送嘅, 但係份量一d都冇偷工減料,菜好新鮮,雞肉多,好足料. 帆立貝好新鮮, 食唔到雪藏味道. 松花堂(藏)套餐: 要特別提及澳和牛厚燒, 和牛燒到嘅程度岩岩好, 肥瘦比例恰到好處, 加上個汁好惹味, 用黎送飯一流! 套餐仲有刺身三款, 有三文魚兩件, 章紅魚兩件, 同甜蝦一件, 全部都好新鮮, 係入口即溶, 好耐冇食過咁好質素刺身啦!因為有叫套餐,所以跟餐有送水果同埋綠茶雪糕作甜品,綠茶雪糕好滑,好好味!呢個藏戶概念館確實係臥虎藏龍, 小小不起眼嘅餐廳, 但係可以感受到老闆係有費咗唔少心機選用好質素食材, 再好用心料理, 重質不重量, 或許更能令我們更健康咁享受美食