博多拉麵別天神 (已結業)

之前同男朋友食過呢間拉麵，覺得幾正，今日去encore一下。一直好欣賞呢間拉麵店夠簡單，兩款拉麵，真正既貴精不貴多，兩款拉麵個湯都好好味。蝦味噌豚骨湯麵，超多櫻花蝦，湯底個蝦味好濃好香，但食落又唔會好油膩，仲有埋半熟蛋，真係好正。豚骨湯麵，無左蝦個香味，反面個豚骨味好出，個湯好creamy。我地兩個都差d飲哂個湯。今次我地都有叫埋呢度個兩款小食，小龍蝦蟹子沙律，食落口啖啖都係蟹子同一舊舊既龍蝦肉，食個熱辣辣既麵，再食返啖凍凍地既沙律，好正~餃子🥟，即叫即煎，煎到個外皮脆脆地，皮又唔會好厚，個餡仲好juicy。