666泰船麵 (德輔道西) (已結業)

今日大少陪我食飯，提議重遊舊地去666...大少與我第一次食飯嘅地方...我地叫咗牛肉金邊粉，海南雞飯，2杯䶢檸7。其實我地都唔係太肚餓，所以只係咗泰地道 size。大少個粉，除咗牛肉，仲有好多其他配料，如通菜，芽菜，蘿蔔，貢丸等等。雖然睇唔出湯底係乜，望落好濃。我見大少無乜 complain, 味道應該唔差。食食下，佢突然講咗句，d蘿蔔好林，叫我試下。我試咗一啖，真係好林，好甜，食落好香湯底味道。海南雞飯個油飯好香，雖然只係泰地道 size, 但份量都唔細。d雞好嫩好滑，配埋個sauce, 好香蒜蓉味。大少食咗2件雞同2啖飯，佢都話好食。美中不足係2杯鹹檸七，無䶢亦無檸味，只係飲到七喜味。重遊舊地，結果大家都發覺今次好食過第一次來的時候。