金記冰室 (黃大仙中心南館) (裝修中)

自數年前幫襯過有不快經驗，故一直都唔再去呢間嘢度食。始終黃大仙附近乜嘢好食都有，一唔好食就被淘汰。過咗咁多年之後，估唔到間野仲係度，所以都入去試多次係咪改善咗。裡面裝修同以前無乜大分別，不過落單就改咗手機自助形式，另外牆邊卡位有充電頭十分貼心。由於疫情嘅關係，入去需要等一陣位。自助點餐版面大致與其他冇呢個服務嘅餐廳同樣，跟著最緊要嘅食物。以前批評過炒粉麵碟頭太細唔夠食，今次幫襯就回復正常，至少食得飽。星洲炒米顏色略嫌淺咗少少，不過辣度同鹹度適中，係偶然食到炒唔勻有一兩啖好鹹，大抵上已經在水準之中。至於三文治就冇乜特別，唔夠我上次去金鐘嗰間香港地咁好食。至於杯奶茶，我揀咗少奶，不過嚟到一樣咁多奶，加上冇乜茶味，咁奶茶就失色咗啦