貴緣小鍋米線 (崇潔街) (已結業)

今日突然好想食米線🍜，但又唔想去連鎖店😌，朋友仔介紹啦咗呢間係紅磡區內好出名嘅人氣米線店比我。😎小店裝修簡潔，座位都唔會迫夾。☺️一坐低先用手機QR code📱叫兩個小食，分別係甜酸齋同蒜香醬油雞翼。😚仲有勁多小食可以選擇。🤠🧆 甜酸齋酸酸甜甜，好惹味，😽食完一碟都唔夠忍唔住再叫多碟。😋🍗 蒜香醬油雞翼雞翼入味而且好香蒜味，值得一試。🥸到主角出場喇！➡️ 鮮茄小鍋米線同酸辣小鍋紅薯粉(小小辣)，兩個都大大碗，份量十足，而且非常足料。😍🍜 酸辣小鍋紅薯粉(小小辣)有豬肚絲、雞翼、蘿蔔同生菜。而且仲有勁多芽菜，配上超煙靭紅薯粉，🤩索哂所有湯底精華，蘿蔔入味清甜夠腍又唔會有渣。🥰酸酸辣辣，口感非常豐富，下次可以挑戰吓小辣。🌶️🍜 鮮茄小鍋米線揀咗生菜、紅腸、肥牛、滷水大腸、金菇同豆腐卜。米線軟硬度適中，又係配有勁多芽菜，😻所有配料都非常十味，而且仲可以吸盡湯底精華。🤤蕃茄湯底真材實料，味道酸酸甜甜，十分開胃❣️飲品🥤🧃揀咗COKE Lemon同埋可以消油解膩嘅淳茶舍消茶。