影片
更多
2019-07-09
231 瀏覽
今晚約咗個朋友吹水，想打邊爐又要坐得耐，我朋友介紹去呢間食火鍋，因為叫套餐冇限時可以任坐，所以我地就叫咗陸陸海鮮套餐。雖然唔係任食，但呢個餐都包咗好多款式嘅火鍋配料同海鮮。入到呢間火鍋店，入面d裝修都好in好有特色。首先黎個冷盤小食，係花螺，點少少佢地嘅醬油食，好鮮味好爽口，螺肉又唔硬，肉好嫩。雞煲-我地叫咗中辣，上枱已經勁香，d醬汁好惹味，雞肉好嫩滑，仲有好多配菜一齊煮雞煲，d配菜都好好食，由其是洋蔥。原隻蘇格蘭麵包蟹海鮮湯-個湯底真係好香濃，好鮮味，入面真係有成隻蟹、番茄同粟米一齊煮湯底，所以個湯真係鮮甜無比，隻蟹真係勁大隻，呢個湯底真係好出色。海鮮拼盤包括有鮑魚、貴妃蚌、刀貝，大蜆、聖子、海蝦、魚片同廣島蠔，呢個海鮮盤海鮮款式都唔少，樣樣海鮮都好新鮮，好鮮甜，由其是鮑魚同聖子非常出色，鮑魚肉厚，非常爽口鮮甜，而聖子係聖子王，成隻手掌咁長，煮幾分鐘，食落好鮮，好爽口，成個拼盤d海鮮都好好食。美國肥牛、牛柳粒、豬肉片-肥牛同豬肉片肥瘦適中，唔會覺得好油膩，而牛柳粒，食落好juice,一d都唔鞋口。手打牛丸、貢丸、墨魚丸-全部都係自家制呢幾款丸，好彈牙好爽口，而貢丸比較特別，出面好少有
雖然唔係任食，但呢個餐都包咗好多款式嘅火鍋配料同海鮮。入到呢間火鍋店，入面d裝修都好in好有特色。
首先黎個冷盤小食，係花螺，點少少佢地嘅醬油食，好鮮味好爽口，螺肉又唔硬，肉好嫩。
雞煲-我地叫咗中辣，上枱已經勁香，d醬汁好惹味，雞肉好嫩滑，仲有好多配菜一齊煮雞煲，d配菜都好好食，由其是洋蔥。
原隻蘇格蘭麵包蟹海鮮湯-個湯底真係好香濃，好鮮味，入面真係有成隻蟹、番茄同粟米一齊煮湯底，所以個湯真係鮮甜無比，隻蟹真係勁大隻，呢個湯底真係好出色。
海鮮拼盤包括有鮑魚、貴妃蚌、刀貝，大蜆、聖子、海蝦、魚片同廣島蠔，呢個海鮮盤海鮮款式都唔少，樣樣海鮮都好新鮮，好鮮甜，由其是鮑魚同聖子非常出色，鮑魚肉厚，非常爽口鮮甜，而聖子係聖子王，成隻手掌咁長，煮幾分鐘，食落好鮮，好爽口，成個拼盤d海鮮都好好食。
美國肥牛、牛柳粒、豬肉片-肥牛同豬肉片肥瘦適中，唔會覺得好油膩，而牛柳粒，食落好juice,一d都唔鞋口。
手打牛丸、貢丸、墨魚丸-全部都係自家制呢幾款丸，好彈牙好爽口，而貢丸比較特別，出面好少有得食手打貢丸，非常新鮮。
魚皮餃、韭菜餃、水餃、雲吞-佢地d餃都係自家包，涵料十足，粒粒都脹卜卜，d皮仲煙煙韌韌，勁好食。
自家制炸魚皮、嚮鈴-d魚皮真係唔同出面果d,佢炸得好鬆脆，面頭d炸粉好薄，食落脆卜卜，好好食，而嚮鈴都炸得好好食，完全冇肥油滲出，落鍋浸一浸完全可以吸收湯嘅精華，正。
菇菌拼盤、什菜拼盤-呢2款係健康之選，菇類都有5，6款選擇，可以一次過滿足菇類控，而什菜拼盤d菜都好新鮮。
食火鍋一定要叫野飲唔，呢度d野飲都好有特色，好多自家制嘅沙冰，我地就叫咗66colada同芒果沙冰，呢度仲非常貼心，可以選擇少甜，我就覺得66colada非常特別，因為佢係mix咗椰汁、菠蘿、橙同青檸打成沙冰，透心涼之餘，仲好有鮮果香味，勁正。
張貼
