爆丼屋 (山東街)

營業中

休息中

爆丼屋之前未搬已經去食過，近排知道佢搬咗新舖， 當然就要去支持下。 其實話就話搬咗，都只係搬後咗一條街，所以都十分方便， 地鐵站行過去都唔需要五分鐘。 新鋪唔單止寬敞咗， 鋪頭裝修亦都有時尚氣息，而且十分安全地加設咗好多大屏風隔住一張張枱。四重火山盛丼， 主要有拖羅蓉，蟹籽， 蟹肉同海膽。 雖然係拖羅蓉但係都好新鮮， 最欣賞係佢嘅海膽一啲都唔腥十分好食。 蟹肉方面都好多， 成個當飯十分豐富。三重大極上丼， 主要有拖羅片，海膽同蟹肉。 呢個因為係大大片嘅原片拖羅，所以價錢亦都相對貴啲，拖羅係中拖羅質素 ，油份多 ，新鮮油甘味重， 入口即溶， 最重要係一個丼飯有差不多十片， 真係好抵食， 另外當飯上面嘅海膽亦都十分新鮮， 份量亦都唔少， 絕對值得推介。朱古力魚缸沙冰， 呢個魚缸沙冰顧名思意就係沙冰用魚缸咁大嘅玻璃杯裝住， 成個杯份量基本上係2~3人份量,如果叫一個都可以唔使再叫其他飲品,  朱古力沙冰裏面除左右 cream之外仲有朱古力粒同朱古力醬 ，十分豐富。蘋果湯力， 有啲似蘋果梳打水， 味道唔錯。整體嚟講餐廳性價比十分高。