慶記 (已結業)

平日最鐘意捐窿捐罅搵食，小龍包係百吃不厭之選，有日搵倒間上海菜，放工去試試，叫左滷肉慶面，巴東牛肋條撈面，慶面係上海面食，望落似我地油面，滷肉面湯底勁好味，唔知落左咩煮湯呢，巴東牛肋條就好重椰汁味，超香。另外叫左客小龍包，小龍包咬破少少破口充滿湯汁，熱熱飲湯汁巧舒服。口水醉雞卷好似扎肉咁，酒味唔算濃但口水辣味強勁，喜歡辣味唔好錯過。另一小食蜜芥雞翼，幾特別除左蜜糖味仲有芥末味，香口又脆口。提提大家夜晚9點閂門，要早d去呀！