影片
更多
2016-08-29
383 瀏覽
八王子仲喺油麻地嗰陣 一個月總會幫襯2, 3次 佢啲拉麫好啱我胃口 特別係白湯拉面 麵質好好 夠咬口比較粗身 啲湯好夠味唔會太over 啲豬肉超又厚又嫩好正... 帶介紹朋友去食 個個都話幾好味.可惜舊年突然結業 失望之餘喺FB向佢哋查詢 佢哋話會再揾鋪頭重開 仍然滿心期待今個月終於收到消息話已經揾到鋪位會再開 尋晚襯有時間 叫埋朋友一齊去食 諗住去食返碗久違味道嘅好味拉麵！去到發現招牌紅紙未撕 入到去鋪頭比起油麻地鋪位細 坐落還好 一睇Menus 得一版仲要得勁少拉麵揀 忍唔住開口問staff仲有冇白湯拉麵 staff問 之前有冇喺油麻地食過？Staff就介紹個Menus邊隻係牛骨湯邊隻係豬骨湯 仲狂推介素食拉麵！最後我同朋友各人分別嗌咗一碗牛骨一碗豬骨湯底拉麵 再加牛舌粒 (以後牛舌粒八王子整得好好味 好嫩好juicy) Order完大家都好緊張會唔會有以前水準...牛舌粒先到 份量明顯比之前少好多 一試... Shit 又乾又un 完全唔好食... 食完牛舌粒 我哋你眼望我眼 已經開始有啲擔心... 5分鐘後2碗拉麵送到 一望碗麵 心感情況不妙 個樣同以前完全唔同 先飲湯試味 我
八王子仲喺油麻地嗰陣 一個月總會幫襯2, 3次 佢啲拉麫好啱我胃口 特別係白湯拉面 麵質好好 夠咬口比較粗身 啲湯好夠味唔會太over 啲豬肉超又厚又嫩好正... 帶介紹朋友去食 個個都話幾好味.
可惜舊年突然結業 失望之餘喺FB向佢哋查詢 佢哋話會再揾鋪頭重開 仍然滿心期待
今個月終於收到消息話已經揾到鋪位會再開 尋晚襯有時間 叫埋朋友一齊去食 諗住去食返碗久違味道嘅好味拉麵！
去到發現招牌紅紙未撕 入到去鋪頭比起油麻地鋪位細 坐落還好 一睇Menus 得一版仲要得勁少拉麵揀 忍唔住開口問staff仲有冇白湯拉麵 staff問 之前有冇喺油麻地食過？Staff就介紹個Menus邊隻係牛骨湯邊隻係豬骨湯 仲狂推介素食拉麵！最後我同朋友各人分別嗌咗一碗牛骨一碗豬骨湯底拉麵 再加牛舌粒 (以後牛舌粒八王子整得好好味 好嫩好juicy) Order完大家都好緊張會唔會有以前水準...
牛舌粒先到 份量明顯比之前少好多 一試... Shit 又乾又un 完全唔好食... 食完牛舌粒 我哋你眼望我眼 已經開始有啲擔心... 5分鐘後2碗拉麵送到 一望碗麵 心感情況不妙 個樣同以前完全唔同 先飲湯試味 我先飲朋友碗牛骨 頂 咸到完全冇牛骨味 超味精 心諗咩料？！點解咁樣？再試自己嗰碗 OMG 我嗰碗豬骨比朋友嗰碗咸多一倍 味精味勁到阿媽都會叫你唔好食...2碗拉麵用嘅麵唔同之前不特止 朋友嗰碗啲麵係白色嘅 就好似上海幼麵咁 我嗰碗係出面食food court cheap cheap拉麵嗰種黃麵 OH... 到於啲配料... 唉 啲肉又乾又硬 都唔知食緊乜！以前鋪頭有任落炸蒜 開口問係冇提供架 仲諗住加啲炸蒜食快啲 平衡下個味道 點知佢話得生蒜蓉！唉 唯有照要啦！啲Staff好勤咁幫啲客加水 可能佢哋都知個湯底有料到...
食完呢餐又失望又難食又唔抵嘅八王子之後 我直覺覺得已經唔係原本老闆同師傅經營 可能賣咗個名俾其他人用八王子呢個名繼續經營 也許連材料供應商都轉晒 根本就唔係原本嘅八王子 唉！咁難得揾到間啱自己口味嘅拉麵鋪 重開之後竟然面目全非... 真係超級失望！！！
如果各位之前有喺油麻地鋪食過 覺得好味 但又唔信邪想再試 想重拾當日美味嘅你 去完新鋪不防分享下食後感 我都想知道其他人食完有咩comments!
八王子拉麵 + 濃厚豚骨拉麵
$75
50 瀏覽
0 讚好
0 留言
張貼
