Nunu燒 (已搬遷) 新店位置

第一次嚟食晏，平時經過都見到好多人，地方細，得好少位。價錢合理，唔加一，有幾壺茶自助任飲。叫左個雙重芝士火山咖哩牛肉飯，都幾多芝士下，仲有拉絲效果，但燒到黑哂，又燶又苦，多芝士都冇用。牛肉勁靭，原材料出問題，明顯係用料太cheap，冇得救。好彩有個咖哩汁好送飯先易入口啲。店員口黑面黑，著件類似浴衣咁嘅衫但真空上陣，睇見都唔開胃。好地地一間日本野，播歌竟然係播「相逢何必曾相識」，完全係格格不入。老老實實，俾貴一倍去隔離keyaki食晏都一定唔會再嚟。