串燒堂 (已結業)

新年期間四圍去拜年， 食完正餐後， 同老死去食串燒， 吹下水。 佢屋企附近有間串燒店， 餐廳串燒堂位於西環堅尼地城荷蘭街1A-1G號太康大廈地由下晝4點開到零晨2點， 啱哂睇完波嘅我地。簡單點左: 日本枝豆， 炸鵪鶉蛋串， 燒豆卜,燒特色土豆片， 燒日本一口和牛粒,超美味玉子燒， 燒四季豆。炸鵪鶉蛋串， 比較少喺串燒店食到， 估唔到咁正， 外脆內軟， 鵪鶉蛋味香濃， 必食。燒豆卜， 加入7味粉更加提昇豆卜野味程度。燒特色土豆片， 口感似薯片， 但唔似脆片脆到界口， 呢個好味好多， 土豆味豐富。燒日本一口和牛粒， 入口即溶， 牛味香濃， 燒到有少少微燶， 更加野味。其他串燒都非常好食， 老死無介紹錯。