廚十三老壇酸菜魚 (D2 Place ONE) (已結業)

呢個商場裏邊有唔少嘢食，今次經朋友介紹嚟試吓呢間都幾出名既酸菜魚，地方環境都算寬敞幾好坐，特別係而家疫情梗係要同旁邊隔開啲啦，一睇個餐單覺得非常有趣，好多菜名都改得好搞鬼，即係好似冷盤青瓜咁樣，就改成拍死前男友😂，令到我真係唔叫唔得，講返主角酸菜魚，一上枱見到個份量已經好滿足，我哋叫咗二人份量，可以自選兩個加菜，我點左餐肉同埋寬粉，酸菜魚味道酸辣適中，我叫微辣，因為唔係好食得辣但又好喜歡嗰陣味，就算咁少辣都食得出好野味，魚塊非常非常之滑，寬粉吸左湯味之後超好食，一盤兩個人食絕對夠，佢有分唔同份量可以自由選擇，最後食完喇一定要食一碗冰粉，冰冰涼涼甜絲絲，令人回味👍