打邊爐海鮮火鍋燒烤店 (已結業)

俾朋友叫去打邊爐，諗住無咩特別，點知真係無介紹錯！原來係食烤魚，咁以為又無咩特別，之前我係大陸、香港都食過啦，但佢地係用新鮮海魚（沙巴龍躉，仲要我們叫才再魚缸捉出來，肯定新鮮！（師傅捉魚個下，我地仲鬼咁興奮）條魚我們係要少辣，我就覺得剛剛好，夠野味，又唔會只食到辣，條魚雖然一直烤住，但又唔會老。問一問佢地點解可以咁好，原來條魚在廚房走油只到七成熟，上到枱才繼續烤熟，除此之外，原來用那種盛器都研究過的，因為要一直可供烤用，保持溫度外，又不能太過傳熱，否則就好快把魚煮得過火。（我最喜歡那麼用心的食店！）我們唔止烤魚，仲叫咗一個花甲蟹鍋，這個鍋真係真材實料，絕不是幾隻花甲仔，感覺係食極都有，隻蟹啖啖肉，雖然烚完，但仍有鮮味，啖湯相當清甜，只是簡單的胡椒、酒的調味，我們當然唔會浪費個煱，仲叫了牛頸脊和西洋菜。真的無得彈！