影片
更多
2021-04-09
415 瀏覽
西環上環一帶，據我所知，靠近海邊既食肆唔多，只得間茶餐廳同大家樂，其他食肆都集中於內街。但上網見到呢間西餐廳，就黎左試啦。佢門面唔算張揚，招牌也比較細，唔覺意可能會行過左，都係要靠google map搵。一入黎就正啦，大落地玻璃採光充足，環境闊落，有兩層開放式，有幾個學生係度用macbook自修，非常chill。如果唔係比高速公路遮住，應該睇到埋海景tim！咁我就搵左個少人既角落坐，佢有個書架有d雜誌同英文書，但都太殘舊唔岩睇。嗌野食要自己出去收銀果度叫，同埋要預先比左錢。咁我就叫左個blueberry pancake ＆ menu介紹既ying yang coffee，共＄125旁邊有個後生鬼佬食另一款ham ＆ egg pancake，好似賣相唔錯，下次可試下。pancake夠甜，雖然唔似幸福pancake果款sell空氣感，而係典型厚實式既美式pancake，但口感都不錯，幾香。隔離既cream好特別，幾甜，又唔漏－反而呢pat cream就有空氣感，加埋pancake食一流。佢杯特色coffee－陰陽（ying yang）都好特別，用slim杯裝；一放係口邊，細窄既杯口緊貼住鼻
但上網見到呢間西餐廳，就黎左試啦。佢門面唔算張揚，招牌也比較細，唔覺意可能會行過左，都係要靠google map搵。
一入黎就正啦，大落地玻璃採光充足，環境闊落，有兩層開放式，有幾個學生係度用macbook自修，非常chill。
如果唔係比高速公路遮住，應該睇到埋海景tim！
咁我就搵左個少人既角落坐，佢有個書架有d雜誌同英文書，但都太殘舊唔岩睇。
嗌野食要自己出去收銀果度叫，同埋要預先比左錢。咁我就叫左個blueberry pancake ＆ menu介紹既ying yang coffee，共＄125
旁邊有個後生鬼佬食另一款ham ＆ egg pancake，好似賣相唔錯，下次可試下。
pancake夠甜，雖然唔似幸福pancake果款sell空氣感，而係典型厚實式既美式pancake，但口感都不錯，幾香。
隔離既cream好特別，幾甜，又唔漏－反而呢pat cream就有空氣感，加埋pancake食一流。
Blueberry pancake, Ying Yang coffee
$125
34 瀏覽
0 讚好
0 留言
Blueberry pancake
$70
24 瀏覽
0 讚好
0 留言
佢杯特色coffee－陰陽（ying yang）都好特別，用slim杯裝；一放係口邊，細窄既杯口緊貼住鼻孔，果浸咖啡香完全入晒個鼻，好正。
佢仲有粒咖啡豆係面頭點綴。
飲落口有正常果酸味，又少少甜甜地，成個口感都好夾，好好飲，又夠凍。飲完覺得如果佢大杯少少就好啦。
整體而言，佢左有d貴（預左要100up），環境同食物質素都不錯，咖啡可大膽試佢既特色咖啡，應該會有驚喜。
Ying Yang Coffee
$50
22 瀏覽
0 讚好
0 留言
張貼
