探花 (已結業)

同爸爸媽媽晏晝飲茶，大家都覺得啲點心唔錯，但係有啲貴因為每一樣點心都係得兩件，呢個價錢就算係三件點心都偏高。講起價錢就真係要提一提佢哋嘅服務態度唔成正比，我坐佢哋嗰啲梳化度開頭坐都覺得濕濕地，坐咗一段時間就覺得有啲唔對路，因為真係覺得條褲濕晒，坐去隔離個位摸返原先坐個位就發覺原來真係濕嘅，仲要係好濕嗰隻。我叫個經理過嚟，同佢講話佢將梳化度濕晒好似有人到咗杯水落去咁，佢就笑笑口咁同我講話佢哋開舖之前抹過梳化所以係咁，完全冇歉意個咀臉俾我仲有少少嘲笑嘅感覺，跟住佢就走咗喇。呢間野初初開嗰陣啲服務態度都唔係咁，雖然唔係開咗好耐但係已經好大退步，所以我比呢間野個評分咁低。