野玩山店 (已結業)

野玩山店餐廳位於灣仔區，無論係銅鑼灣定灣仔地鐵站都唔算近，但都叫易搵。就係因為咁，人流唔算好密，餐廳入面位置都比較疏，食落都冇咁有壓迫感，可以舒舒服服。裝修以camping做主題，好多爬山嘅工具、樹木做擺切，環境乾淨。以半自助餐嘅形式，包括有一個主菜、餐湯、餐包同飲品。而出面嘅自助bar菜式都幾多，有煙三文魚、青口、沙律等，更有自己夾嘅沙律配菜同大量嘅甜品，食完主菜唔夠飽都可以繼續食。芝士焗波士頓龍蝦龍蝦都幾大隻，中間切開一半，方便share，仲配有粗薯條同雜菜，增加飽足感。龍蝦其實幾新鮮，又夠大隻，唔會焗到太乾，有汁之於唔會腥臭，夠晒彈牙。但唔知點解太多汁，攪到摭蓋咗佢應有嘅味道，有啲似食醬多過食龍蝦，食之前要撩一撩走啲醬，效果會更好。