拉麵天王

營業中

休息中

經過黃埔見到日本感覺既店面感覺，好吸引入咗去入到嚟第一下，無人招呼我既😅過左應該十幾秒啦，有個女侍應出嚟就問我一位係咪？然後就帶左我去一張細枱（好似近收銀機），但果時係無咩人（限聚令情況下都明既），但我都係要求換左坐一張大少少既枱（2人限聚令大枱細枱都係2個人），甘呢位侍應姐姐（應該係）就話你鍾意啦，可以呀，但我感覺好似唔係好想甘😕叫左個並盛濃厚魚介沾麵，湯夠熱麵有嚼勁，一個字掂，兩個字好掂，三個字就有粗口，因為太好食，個人認為係香港Top5沾麵都不為過。🤤🤤認真要幫襯，尤其係呢啲黃色小店係疫症生存唔容易，當然如果服務態度可以再好啲既話，我覺得就算去到咩情況呢間餐廳都生存到。