影片
更多
2017-11-02
377 瀏覽
今日中午一個人又唔知食咩，就去左呢間野試試我12點半入到去都唔洗等位，一個人就選擇左張圓枱同人搭枱入面環境裝修都幾有特色，餐牌設計各方面都睇得出有花心思，好啦，坐低咗就叫嘢食餐牌有學生餐都係30幾40蚊，咁我唔係學生就選咗個正價餐牌，要咗個香茅雞扒飯，但係我搵人落單用咗10分鐘，先至落到。我目測全間餐廳應該坐到百幾人，全間餐廳嘅樓面都有差唔多10個人，我真係好唔明白點解oder要用10分鐘，期間我舉咗好多次手，但啲侍應已經連成睇你唔到聽你唔到嘅絕技，就算個樓面見到你舉手都可以無視你，跟住我再留意佢哋啲制服，見到大部份都係有個P字係個心口度，應該係兼職或者係新入職嘅員工，冇P嗰啲已經一個個功力深厚完全無視你，真正幫你落單嘅人好難搵，啲侍應嘅態度完全就係表達左一句說話「你食就食，唔食就過主」，想搵個經理幫下手都唔見人影,場面極度混亂辛苦落完單，等左10分鐘，嘢食到咗，外貌味道各方面都可以，飲埋杯嘢準備起身埋單，就見到一個樓面唔小心咁將啲食物汁，彈左落客人件衫度，跟住嗰位同事好緊張好無助，我都完全唔見有經理或大位出黎解決問題。我冇睇戲就埋單走人。總結就係嘢食環境可以，但係樓面嘅服務質素極度惡
我12點半入到去都唔洗等位，一個人就選擇左張圓枱同人搭枱
入面環境裝修都幾有特色，餐牌設計各方面都睇得出有花心思，好啦，坐低咗就叫嘢食
餐牌有學生餐都係30幾40蚊，咁我唔係學生就選咗個正價餐牌，要咗個香茅雞扒飯，但係我搵人落單用咗10分鐘，先至落到。
我目測全間餐廳應該坐到百幾人，全間餐廳嘅樓面都有差唔多10個人，我真係好唔明白點解oder要用10分鐘，期間我舉咗好多次手，但啲侍應已經連成睇你唔到聽你唔到嘅絕技，就算個樓面見到你舉手都可以無視你，跟住我再留意佢哋啲制服，見到大部份都係有個P字係個心口度，應該係兼職或者係新入職嘅員工，冇P嗰啲已經一個個功力深厚完全無視你，真正幫你落單嘅人好難搵，啲侍應嘅態度完全就係表達左一句說話「你食就食，唔食就過主」，想搵個經理幫下手都唔見人影,場面極度混亂
辛苦落完單，等左10分鐘，嘢食到咗，外貌味道各方面都可以，飲埋杯嘢準備起身埋單，就見到一個樓面唔小心咁將啲食物汁，彈左落客人件衫度，跟住嗰位同事好緊張好無助，我都完全唔見有經理或大位出黎解決問題。
我冇睇戲就埋單走人。
總結就係嘢食環境可以，但係樓面嘅服務質素極度惡劣，特別係啲長工，你係見到佢好忙但係你完全唔知佢望緊啲乜嘢。
雞扒飯
$48
64 瀏覽
0 讚好
0 留言
張貼
