滿滿食堂

營業中

休息中

今日第一次幫襯，覺得啲野食ok，但食緊野嘅時候佢啲員工喺我附近係咁抹塵，抹完啲牆呀櫈呀都未夠，仲要抹我頭頂部冷氣機，佢抹緊果陣望我一眼我以為佢醒水，點知佢繼續抹，你部冷氣機係遠小小我都算，大佬我啲野食係正下面，啲塵跌哂落尼點食呀？咁都算啦我忍，我連黑佢面都無，我食完野之後坐咗一陣，前前後後都唔夠半個鐘，最後埋單果陣有個仔同個阿嬸企喺收銀，我比張卡個仔碌，跟住佢隔離個阿嬸好唔耐煩好串咁講話佢地唔收卡架淨係收現金，我又唔係你老闆，我第一次尼點知你收唔收卡姐，唔洗咁嘅態度呀？我走果陣個呀嬸仲要睥住我走，我識你？趕客咪講，你老細真係多謝哂你。