茶點

營業中

休息中

點左肉燥飯同豬扒飯，肉燥多汁舖滿成碗飯，但略嫌頗咸；豬扒炸得鬆脆，剛剛好，野食整體合格。 欣賞老闆創業精神，但座位安排和服務態度極需要大力改善。我地一坐低被安排坐近門口好迫既位置，但仍可接受。野食一到，拎起筷子，男店員即刻沖上來，叫我地坐去第二度，等佢拼台俾其他人。雖然口講唔好意思，但個勢已經搬緊你既野食，好無奈我地唯有被佢安排坐第二張枱。之後先係慘，呢台附近係水吧，好多水聲洗野聲好嘈，枱附近係一箱箱雜物，張枱又近門口，出出入入，度門開開合合，熱到同坐露天無分別！ 好想同老闆講，你可以訓練下店員既服務態度，點樣應對呢種拼位問題，唔係唔可以搬去第二枱，但唔該可以安排好少少既位置，如果我一入店，見到呢個雜物位我唔會坐落去，野食叫左、來左，俾你調左位，我都唔好意思話唔要。夾硬要人坐得唔舒服唔開心，你既野食整得幾好食都無用。我唔會推薦呢間野食俾大埔既朋友，亦唔想再來。呢度講出來，希望你地改善下，對其他客人好少少，改善下座位，唔好咁多雜物，等人坐得舒服少少。