月瀧天 (已結業)

之前同朋友星期六晚影畢業相 一大班人約好食放題 但相熟個幾間放題full左 見友人介紹呢間 就上去試上到去時間大概八點九 餐廳很大 有好多人但仲未滿 安排左我地坐露天座位 出面大約有十張檯左右 可以望到街景 露台有喲風吹埋離 幾舒服 環境也不錯 燈光充足 頗有情調一坐下就落order 時間大概九點到 有好多款選擇 剌身 壽司 中式熟食 泰式 越式 日式 飲品 都有每樣點喲但過左半個鐘到 只係離得一碟牛柳粒 一盤刺身 同埋飲品 覺得唔對路 追問侍應 才有其他食物送到 有蝦多士 青口 火灸壽司 跟著再落多次order 今次點左同第一次差唔多 但食物來得很慢 仲要離個喲都係重覆個幾樣 壽司 剌身 天婦羅 飲品 其他點個喲都不足分量 例如牛柳粒叫左三碟 得一碟離 串燒點左完全無離過 因為我地人多 同埋試多喲其他種類 所以只係每款點左少少 但係份量嚴重不足 結果個個都食唔飽 平心而論 餐廳的食物質素是可以的 但未至於留下深刻印象值得介紹的有幾款火灸壽司: 火灸味幾夠 喲魚生都幾新鮮 同埋幾大件蝦多士 : 熱熱地幾脆 蝦味略嫌太淡牛柳粒: 惹味 蒜味幾重 青口: 唔夠新鮮 辣椒味太重 搶曬喲