影片
更多
2016-01-12
1866 瀏覽
禮拜六難得約左班FRIENDS出去聚聚，問大家夜晚想食乜，好幾個都話想食放題。問心其實我唔多贊成，須知道尖沙咀食嘢價錢普遍偏貴，食放題就更肉赤啦。但大圍話食都無計啦，都要上網搵搵，見到呢間放題個樣好似唔錯，最緊要係價錢都算合理，唔駛兩舊水，啱哂我地呢啲 "中產" (即中坑無產囉)於是乎一行六人去試下，估唔到有驚喜，咁既價錢咁既質素，完全物超所值啦係咪??去食日本放題，刺身一定唔可以放過，佢地都有好多款揀，三文魚同鮑片梗唔少得，最特別係有帶子同大甜蝦食，三文魚堅係厚切同好肥美，食得出好新鮮；出面好多收得仲貴既放題都冇呢啲貨色。放題就一定預左暴飲暴食啦，除左刺身，佢地仲有串燒、鐵板燒同天婦羅。我本身唔鍾意食炸嘢，人到中年係要養生嘛，但佢啲炸物算質素幾好，起碼啲炸粉同啲肉唔係痴埋一舊先，係隻蝦細左啲咁囉。串燒選擇都幾多，我地狂點都冇咩減我地，算係咁啦仲想點先。仲有壽司要一贊，好多放題的啲壽司都唔係主打，所以質素參差，但呢間竟然有芒果花之戀，細細舊又易入口，成晚最鍾意呢個。好多放題落完單，都唔會到齊啲食物，呢間又唔會喎，啲嘢食大部份都到齊。店員服務態度都算唔錯啦，雖然無乜笑容，但見佢地做到冇停
於是乎一行六人去試下，估唔到有驚喜，咁既價錢咁既質素，完全物超所值啦係咪??
去食日本放題，刺身一定唔可以放過，佢地都有好多款揀，三文魚同鮑片梗唔少得，最特別係有帶子同大甜蝦食，三文魚堅係厚切同好肥美，食得出好新鮮；出面好多收得仲貴既放題都冇呢啲貨色。放題就一定預左暴飲暴食啦，除左刺身，佢地仲有串燒、鐵板燒同天婦羅。我本身唔鍾意食炸嘢，人到中年係要養生嘛，但佢啲炸物算質素幾好，起碼啲炸粉同啲肉唔係痴埋一舊先，係隻蝦細左啲咁囉。串燒選擇都幾多，我地狂點都冇咩減我地，算係咁啦仲想點先。
仲有壽司要一贊，好多放題的啲壽司都唔係主打，所以質素參差，但呢間竟然有芒果花之戀，細細舊又易入口，成晚最鍾意呢個。
好多放題落完單，都唔會到齊啲食物，呢間又唔會喎，啲嘢食大部份都到齊。店員服務態度都算唔錯啦，雖然無乜笑容，但見佢地做到冇停手都唔好太講究啦，你估你食緊高級餐廳咩。我自己本身都係做服務業，大家真係唔好對WAITER太多要求好無，工作係好勞累咖大佬…… (感懷身世) $198加一食到抱住個肚走，大家都覺得可再翻兜。
成班中佬掛住食冇咩影相啦，係得最後LAST ORDER盤刺身相；睇返又肚餓啦頂。
張貼
