醬缸韓國料理 (已結業)

平時都有同同事黎開呢間食韓國菜，水準都ok，醬油蟹都幾鮮甜。琴日星期五7點幾收工同媽媽諗住黎食醬油蟹，見餐廳客人不多又有個卡位就入左去（我媽對卡位情有獨鍾），點知個講廣東話既韓國女人（應該係經理/老闆娘)話個卡位已經俾人訂左（無reserve牌就咁吉左係度），叫我地坐近門口的餐台。咁算啦可能真係有人book左，當我地睇緊menu之際，又有一枱卡位客出去埋單，咁我地就問個waitress可唔可以轉枱，佢話可以轉。當我地坐左過去果陣個老闆娘又叫番個waitress黎同我地講張枱又有人book左，叫我地坐番中間的餐枱，又無道歉又無盛，淨係見到個老闆娘係counter離遠咁啤住我地。張卡位之前的顧客岩岩走又即刻有人book左？如果之前班客一路唔走, book左果張枱既客咪有排都唔使入座？之後我同我媽估計佢係想安排多d人坐門口位等個場睇落旺d，最後嬲嬲地即走。全個過程十幾分中都唔見出面有人等位入座，兩張卡位同好多餐枱都空置既。咁既服務態度我決定唔會再幫襯