黑布小巷 (木蘭苑) (已結業)

見近排天氣涼涼地就同朋友去咗野餐～ 誤打誤撞發現喺荔枝角嘅人氣餐廳開到嚟北角！小店主打多款夜市台式料理、招牌吐司、手工滷肉飯、紅燒牛肉麵、花枝丸等小食，仲有經典嘅冬瓜茶同冷泡茶飲添！突然好想去台灣旅行呀🇹🇼慢烤雞腿芝士蛋吐司份量十足，香烤土司酥脆得嚟又唔會太乾身，雞塊嫩滑多汁，搭配流心蛋同滿滿嘅芝士真係好邪惡😝 古早味手工滷肉飯有驚喜☺️ 珍珠米煙韌飽滿，慢煮豬腩肉肥瘦適中，配上自家製滷水汁撈飯一流🥰 蕃茄紅燒台式牛肉麵都係第一次試，牛肋條軟腍，入口即化，麵質軟硬度適中，番茄湯底足料濃郁而且飲完都唔會覺得口感，值得一讚嘅係估唔到入面仲放咗勁多配料，番茄紅蘿蔔、滷汁蘿蔔、滷水蛋、菜等，極度推介😎小食方面要咗花枝丸、甜不辣同台式香腸！整體外脆內軟，夠彈牙而且好惹味，正😜 飲品都唔hea㗎，有凍頂烏龍茶、桂花烏龍茶同自家煲製冬瓜茶～ 茶味香濃唔苦澀，冬瓜茶甜度適中，解暑一流🥺