影片
更多
2022-08-18
451 瀏覽
環境、食物及服務態度麻麻。名過其實，唔值得回頭！見網上有啲正評，印象中呢間老字號，都不會差。環境不過不失，座位都算正正常常。應該係走中高檔路線，但比較嘈吵，並地面有啲黐立立，少少扣分。有京、粵、川菜，選擇唔錯，上菜速度正常。不過水準退步咗啲。雞絲粉皮，雞絲絕少，唔係絲，係粗條狀多，我自問刀功可能唔差過佢地。花生麻醬唔香口。靑瓜絲，得幾條。當然，會叫小籠包，但醋連薑絲欠奉，真係誠意欠奉啦！以上一般京菜代表，在另一啲食館好食過呢間。粵式點心，蒸餃及粉果皮不簿餡不多。腸粉啲叉燒比較乾柴柴，個豉油應該係靈魂，但調得唔係咁好味！保持食物質素嘅，係叫客人口腹滿意，才賺到口碑。不過服務態度好定差，令客人心中感覺好定壞，更加絕對係顧客回頭的原因！明白嘅⋯間間食肆都係90分鐘時限，呢個大家通常會合作，唔阻你做生意，這時限亦只係用嚟防止太離譜的顧客，唔係死規則！但金公館的職員，由門口、領枱至埋單的員工，好似懲教署職員咁黑口黑面，嚴肅管制。一入門口，已板起塊面咁講記得90分鐘交枱。到差不多時間（其實應該係尚有10分鐘），便冷酷咁問：如果冇嘢再嗌嘅，就唔該而家買單！我哋諗住商量吓再講，就立即說夠鐘啦！期間態度
見網上有啲正評，印象中呢間老字號，都不會差。
環境不過不失，座位都算正正常常。應該係走中高檔路線，但比較嘈吵，並地面有啲黐立立，少少扣分。
有京、粵、川菜，選擇唔錯，上菜速度正常。不過水準退步咗啲。雞絲粉皮，雞絲絕少，唔係絲，係粗條狀多，我自問刀功可能唔差過佢地。花生麻醬唔香口。靑瓜絲，得幾條。
當然，會叫小籠包，但醋連薑絲欠奉，真係誠意欠奉啦！
以上一般京菜代表，在另一啲食館好食過呢間。
粵式點心，蒸餃及粉果皮不簿餡不多。腸粉啲叉燒比較乾柴柴，個豉油應該係靈魂，但調得唔係咁好味！
保持食物質素嘅，係叫客人口腹滿意，才賺到口碑。不過服務態度好定差，令客人心中感覺好定壞，更加絕對係顧客回頭的原因！
明白嘅⋯間間食肆都係90分鐘時限，呢個大家通常會合作，唔阻你做生意，這時限亦只係用嚟防止太離譜的顧客，唔係死規則！
但金公館的職員，由門口、領枱至埋單的員工，好似懲教署職員咁黑口黑面，嚴肅管制。一入門口，已板起塊面咁講記得90分鐘交枱。到差不多時間（其實應該係尚有10分鐘），便冷酷咁問：如果冇嘢再嗌嘅，就唔該而家買單！我哋諗住商量吓再講，就立即說夠鐘啦！期間態度一啲都唔友善，其實有商有量咪得囉！何況我見到好似仲有一啲枱呀！而且我地枱上仲有一兩件點心未食哂啊！點知當我哋準備合作地快快食完，才叫埋單嘅時候。那職員已經把賬單遞過來。由佢提醒到賬單放上，全程只係1分鐘，使唔使咁有效率呀？通常都大概有5-15分鐘寬容位啦！
金公舘，係咪應該改名「谷氣館」！
張貼